Hjelle Hotel / Gamlebutikken på Hjelle

Å bo på Hjelle Hotel er som å ta eit steg tilbake i tida. Vi har bevart den gamle sjarmen. Det gamle trehotellet er blitt renovert og oppgradert til ein tidlaus stil, med moderne bad og tradisjonsrike møblar. Vi serverer ein middagsbuffet på kvelden, som er laga frå grunnen av. Vi har ein god og enkel frukostbuffet. Hjelle Hotel ligg sentralt til for gode ferieopplevingar om du vil besøke fjordar, brear eller å ta ein fjelltur. Geiranger, Briksdal og Loen Skylift er populære turmål for våre gjester. Vi har også lange og korte turar i nærområdet. Eit av dei mest populære turmåla er fjellgarden Segestad (Sigdestad), med flott utsikt over dei mektige fjella og det vakre Oppstrynsvatnet. Eller kanskje du berre ønskjer ein kort tur etter middagen langs Oppstrynsvatnet til den vakre Glomnesfossen. Ønskjer du ein meir krevjande tur, så er Skåla på 1848 moh eit aktuelt turmål. Vi har ein koselig sauna, utleige av el-syklar, Sit on top kajakk og SUP-brett. Velkommen til Hjelle.